Тосонцэнгэл суманд 2024 оны 10 дугаар сарын 16, 17-ны өдрүүдэд аймгийн Онцгой байдлын газраас ахлах ахлагч Б.Тэнгисээр ахлуулсан баг хүрэлцэн ирж гамшгаас хамгаалах команд штабын дадлага сургуулийг зохион байгуулав. Дадлага сургуульд сумын Онцгой комисс, мэргэжлийн ангийн бүрэлдэхүүн хамрагдаж гамшгаас хамгаалах, аюулт үзэгдлээс урьдчилан сэргийлэх, бэлэн байдлыг хангах мэдлэг чадвараа дээшлүүлэхээс гадна, гамшгийн эрсдлийн үнэлгээ, 3 үгт байршлын талаар, сумын гамшгаас хамгаалах төлөвлөгөөтэй танилцаж зөвлөмж, үүрэг чиглэл өглөө. Мөн сумын ерөнхий зориулалтын мэргэжлийн ангийн хүн хүч, техник, багаж зэвсэглэмжийн бэлтгэл, бэлэн байдлын үзлэгийг шалгаж, цагийн байдал-1, цагийн байдал-2 авч хэрэгжүүлсэн арга хэмжээний илтгэл сонслоо. Ажлын хэсгийн бүрэлдэхүүн болох аймгийн Мал эмнэлгийн газар, Зооноз өвчин судлалын төв, Улаан загалмайн хорооны мэргэжилтнүүд "Мал амьтны гоц халдварт өвчин", "Зоонозын халдвар", "Анхны тусламж" сэдвүүдээр сургалт зохион байгууллаа.
