Нийтийн мэдээллийн ил тод байдлын тухай хуулийн хэрэгжилтийг хангах зорилгоор "Төрийн байгууллагын мэдээллийн ил тод байдлыг сайжруулах, албан хаагчдыг чадавхжуулах сургалт"-ыг аймгийн Засаг даргын Тамгын газар, "Хайр, Найдвар, Гэрэл" НҮТББ хамтран "Хөгжлийн шийдэл" ТББ-ын дэмжлэгээр зохион байгууллаа. Тус сургалтанд сум бүрийн цахим сайт хариуцдаг албан хаагчид оролцож мэдээллээр хангагдсан юм. Тэд төрийн байгууллага албан ёсны цахим мэдээллийн сайтаа хэрхэн идэвхжүүлэх, мэдээллийн ил тод байдлыг хангахад үүсэж буй асуудал, түүний шийдэл, цаашид мэдээллийг олон нийтэд хэрхэн хүргэх төлөвлөгөөний талаар тодорхой мэдээллүүдийг авч, санал сэтгэгдлээ солилцлоо.
